साउदी लिग च्याम्पियन अल हिलालले साउदी सुपर कपको उपाधि जितेको छ। रोनल्डो प्रेरित अल नासरलाई ४-१ गोलको फराकिलो अन्तरले पराजित गर्दै अल हिलाल साउदी सुपर कपको च्याम्पियन बनेको हो।पहिलो हाफको ४४ औँ मिनेटमा क्रिस्टियानो रोनाल्डोले गोल गर्दै अल नासरलाई सुरूवाती अग्रता दिलाएका थिए। तर दोस्रो हाफको ५५ मिनेटमा सर्गेज मिलिनकोभिक स्याभिकले गोल गर्दै अल नासरसँग बराबरी बनाए।
त्यसपछि ६३ र ६९ औँ मिनेटमा अलेकजेन्डर मिट्रोभिकले गोल गरे। ७२ औ मिनेटमा मालकमले गोल गरेपछि हिलाल च्याम्पियन बन्यो । यो पटक पनि उपाधि जित्ने रोनाल्डोको सपना साकार हुन सकेन ।
