युरोपियन च्याम्पियनसिप फुटबलको सेमिफाइनल खेल आजबाट सुरु हुँदैछन् । पहिलो सेमिफाइनल खेलमा आज राती स्पेन र फ्रान्स भिड्नेछन् । खेल जर्मनीको म्युनिखमा नेपाली समय अनुसार राती पौने एक बजे सुरु हुनेछ ।
क्वार्टरफाइनलमा आयोजक जर्मनीलाई अतिरिक्त समयमा २–१ ले हराउँदै स्पेन सेमिफाइनलमा पुगेको हो । फ्रान्सले भने क्वार्टरफाइनलमा पोर्चुगललाई पेनाल्टी सुट आउटमा ५–३ ले हराएको थियो ।
स्पेन र फ्रान्सबिचको आजको खेल विजेताले फाइनलमा इंग्ल्याण्ड वा नेदरल्याण्ड्समध्ये एक टोलीसँग खेल्नेछ । दोस्रो सेमिफाइनल खेल बुधबार राती डटर्मण्डमा हुनेछ ।
