राज्यबाट प्राप्त सम्पूर्ण सेवा–सुविधा जनताको हितमा खर्च गर्दै आएका गण्डकी प्रदेश सरकारका सामाजिक विकास, युवा तथा खेलकुद मन्त्री विन्दुकुमार थापाले करिब ८० लाख सामाजिक सेवामा खर्चिएका छन् । थापाले पछिल्लो ७ वर्षको आर्थिक फेहरिस्ता पोखराका पत्रकारमाझ पेश गर्दै ७९ लाख ४२ हजार ३ सय ९० रुपैयाँ सामाजिक सेवामा खर्च गरेको मंगलबार पत्रकार सम्मेलन गरेर जानकारी दिएका हुन् ।
२०७४ सालबाट निरन्तर दुई पटक प्रदेश सभा सदस्यमा निर्वाचित थापा हाल विगत दुई वर्षदेखि प्रादेशिक मन्त्री छन् । उनले ७ वर्षको अवधीमा प्रदेशसभा र मन्त्रालयबाट प्राप्त विभिन्न भत्ता, पारिश्रमिक र सुविधा बापत जम्मा ५८ लाख ५८ हजार ५ सय ४३ रुपैयाँ प्राप्त गरेपनि त्यसमा थपेर झण्डै ८० रुपैयाँ सामाजिक सेवामा खर्चिएको बताए ।
थापाले पहिलो वर्ष १० लाख ५४ हजार ६ सय ५५, दोस्रो वर्ष ९ लाख ३ हजार ७ सय १ रुपैयाँ ५२ पैसा, तेस्रो वर्ष १२ लाख ४७ हजार ४० रुपैयाँ, चौथो वर्ष १४ लाख ८६ हजार ९ सय ७० रुपैयाँ, पाँचौं वर्ष ११ लाख ३६ हजार ७ सय रुपैयाँ छैटौं वर्ष ११ लाख १२ हजार रुपैयाँ र सातौं वर्ष वि.स.२०८० मा १० लाख १ हजार ३२४ रुपैयाँ खर्च गरेको जानकारी दिए । आफूले शिक्षाका लागि छात्रवृत्ति, स्वास्थ्य क्षेत्रमा आधारभूत पूर्वाधार निर्माण, खेलकुद प्रवद्र्धन, महिला तथा युवाहरूको सशक्तिकरण, विपन्न परिवारलाई आर्थिक सहयोग लगायतमा खर्च गरेको उनको भनाई छ । थापाले आगामी दिनमापनि सामाजिक सेवालाई निरन्तरता दिने प्रतिबद्धता जनाए ।
