कला, संस्कृतिको संरक्षण गर्दै यसको विकास एवं विस्तारका लागि आभ्या क्लवले विगत केहि समयदेखि ‘अ डे विद कलर्स’ शिर्षकमा घारिपाटनस्थित क्लव परिषरमा कला कार्यशालाको आयोजना गर्दै आएको छ । यसका दुईवटा संस्करण सम्पन्न भइसकेको छ । अब तेश्रो संस्करणको तयारीमा क्लव जुटिरहेको छ । आगामी मंसिर ९ र १० गते हुने प्रर्दशनीमा मिथिला संस्कृती झल्किने पोखरामा आयोजित पत्रकार सम्मेलनमा जानकारी गराएको छ ।
जनकपुरको धार्मिक, ऐतिहाँसिक, पौराणिक मिथिला संस्कृतिलाई पोखेरेली सामु ल्याएर त्यहाँको पहिचान दिलाउने उद्येश्यका उक्त प्रर्दशनी आयोजना गर्न लागिएको आभ्या क्लवका निर्देशक किरण केसीले जानकारी दिनुभयो । ‘मिथिला शैलि, कला र साँस्कृतीक समृद्धि’ नारा दिइएर गर्न लागिएको यो कला प्रदर्शनीमा जनकपुरका ८ जना कलाकार सहित झण्डै १५ जनाको टोली पोखरा आउने छ । कार्यक्रममा पोखरेली महिलाहरुको हस्ताकला प्रदर्शन समेत गरिने पोखरेली कलाकार एवं कार्यक्रमका संयोजक कृपा श्रेष्ठले बताउनुभयो ।
उक्त कार्यक्रममा कला प्रदर्शनीका साथै विक्री पनि गरिने छ । मिथिला र पोखरेली कलाकारहरुको सहभागितामा चित्रकला कार्यशाला पनि हुने छ । नेपाल पत्रकार महासंघ कास्कीका अध्यक्ष विमला भण्डारीले जनकपुरको आतिथ्यता पोखराले गर्न लागेको हुँदा कार्यक्रम सफल पार्न पोखरेली लाग्नुपर्ने बताउनुभयो । उहाँले सञ्चार जगतले पनि यस्तो सकारात्मक कार्यमा सहयोग गर्नुपर्नेमा जोड दिनुभयो । क्लवका प्रवन्ध निर्देशक निरज लामाको अध्यक्षतामा कार्यक्रम भएको थियो ।
