मलेसियामा एउटा निजी विमान सडकमा आपतकालिन अवतरणका क्रममा दुर्घटना हुँदा दश जनाको मृत्यु भएको छ । मलेसियाको लङ्कावीबाट सेलेनगर गईरहेको विमान सेलेनगरको ब्यस्त सडकमा खस्दा विमानमा रहेका दुई जना चालक र अन्य यात्रुको मृत्यु भएको हो ।
विमानस्थलमा अवतरणका लागि अनुमति लिइसकेको विमान अचानक सडकमा गुडिरहेका कार र मोटरसाइकलमाथि बजारिएको थियो । दुर्घटनामा ज्यान गुमाउनेहरुमा विमानमा रहेका आठ जना र सडक गुडिरहेको कारमा रहेका दुई जना छन् ।
