लेकसाइडको हल्लनेचोकस्थित थ्री सिक्टी स्काई लाउन्जमा आज नेपाली चर्चित कलाकार अनिल सिंहले प्रस्तुती दिने भएका छन् । पोखराको चर्चित चिली ग्रुप अन्तर्गतको थ्री सिक्टीले पहिलो वार्षिकोत्सवको अवसरमा उक्त सांगेतिक साँझ गर्न लागेको हो । लाउन्ज परिषरमै कलाकार सिंहले उनका चर्चित गितहरुले उपस्थित संगित पारखीहरुलाई आनन्दित तुल्याउने छन् । सिंहका इन्जिन गाडिमा, प्रेम पत्र, डुब्न देउ मलाई, घिनिघिनी घिन्ताङ्ग, आइलभयु, वील यु म्यारिड मि लगायतका गितहरु चर्चित छन् ।
त्यसअघि स्थानिय कलाकार सम्राग कार्कीको एकल प्रस्तुती हुने कार्यक्रम संयोजक विशालराज पौडेलले जानकारी दिए । क्लवमा यसअघि पनि चर्चित नेपाली राष्ट्रिय तथा स्थानिय कलाकारहरुले प्रस्तुती दिंदै आएका छन् । आज साँझ ७ बजेबाट शुरु हुने साँगेतिक कार्यक्रम राति १० बजे सम्म चल्नेछ ।
